Bhool Gaya...

Mujh Se Mera Kya Rishta Hai Har Ek Rishta Bhool Gaya..
Itne Aaine Dekhe Hai Ki Apna Chehra Bhool Gaya...

Ab To Yeh Bhi Yaad Nahi Hai Farq Tha Kitna Dono Me..
Us Ki Baatein Yaad Rahi Aur Us Ka Lehja Bhool Gaya...

Pyasi Dharti Ke Hothon Per Mera Naam Nahi To Kya..
Main Woh Baadal Ka Tukda Hoon Jis Ko Dariya Bhool Gaya...

Duniya Wale Kuch Bhi Kahein Par Apni To Majboori Hai..
Uski Gali Jab Yaad Aayi To Apne Ghar Ka Rasta Bhool Gaya...